الجينواز حسن من ديال الباتسري
الجبينواز بالمايزينا وبطريقة سااهلة وضمونةبسم الله الرحمن الرحيم
السلام عليكم و رحمة الله
ليوم غادي نقدم ليكم طريقة الجينواز المعتمدة عندي كتجي رائعة
كنطربو 5 لبيضات مع 150غ سنيدة مزيان حتى يوليو بحال الكريم و يتضاعف حجمهم من بعد نزيد عليهم 75غ مايزينا و 75 غ دقيق ابيض صافي و نخلط بالملعقة
نخليكم مع الصور نوضح المراحل
هنا البيض كيعود هاكدا
هاكدا كيجي خفيف بحال لا موس
كنفرغو فمول مدهون بالزبدة و مرشوش بالدقيق
و ندخلو يطيب
هاهي مني طابت كتجي عالية و ضروري نخليوه حتى يبرد عاد نديموليوه
هنا قطعتو على 3
هاهو مكيجي لا معجن لا والو ههههه
كنسقيه مزيان بالمونادا سبرايت او فانطا صافي و عمروه باش حبيتو
هنا كنت درت بيه هاد لحليوة لبنتي
و هادي كنت درتها لولدي
و هادي كنت درتها فراس السنة الهجرية
لمهم كندير بيها جميع حلويات لبجنواز
نتمنى تجربوها
و متنساونيش من دعواتكم الطيبة
في امان الله
من طرف فاتي بيل
شكرا فاتي بيل
نسمة مغربية
0 التعليقات:
إرسال تعليق