كيفية صنع سرير او تجديده بفن الكابيطوني

كيفية صنع سرير او تجديده لمحبات الاعمال اليدوية

نقلت لكن الفكرة,,فيهي سهلة التنفيد لتجديد غرفة النوم او بالاحرى السرير,,هدا النوع من العمل باااااااهض الثمن,,ويعطي نتائج رائعة ورومانسية هههه,اليكن الموضوع نقلته كما هو 

اليوم بغيت نقترح عليكم موضوع حصري بخصوص شكل الناموسية téte de lit
شكون فينا للي ماكاتفكرش تبدل مرة مرة فشكل ديال الناموسية شوفو هاد الستيل و قولو ليا كيجاكم




















هاد الستيل سميتو الكابيطوني او الطابيسري والموضة ديالو دارجة هاد الوقت بالإضافة أنه ستيل مودرن وكلاس، وبصراحة محمقني هاد الشكل وقررت نغير العود للي عندي..
مشيت لعند الطابيسري باش يصايب ليا بحالو.. ولكن ملي عرفت الثمن تصدمت.. قال ليا ب 3500 درهم
رجعت خلفة مع الطريق وما زدتش معاه الهدرة.. وانا راجعة بقيت تانقول مع راسي علاش للي مانصايبوش بوحدي خخخخ !؟ زعما هو عندو ليدين وأنا لاّ !!!؟؟؟
بصراحة 3500 درهم جاتني قاصحة ومع ولفت التوفير خخخ كلشي ولا عندي حساب..
بقيت كانقلب فالأنترنيت على هاد الموضوع... ومن بعد ماشحفت لقيت هاد الشرح ، وقلت علاش للي مانزلوش باش الأخوات يستافدو وياخدو فكرة
أنا قررت نصايبو راسي وأكيد ماغاديش يكلفني بزاف
أول حاجة غادي نحتاجو:
*لوح خشبي لعرض ديالو على حسب عرض الناموسية للي عندك
1.40م أو 1.60 م أو 1.80 م أما الطول حسب رغبتك ماكاينش عبار محدد
*البونج ديال 5 سم
*اللواط لغليظ
*التوب على حسب ذوقك وجيبك ..ممكن جلد ،دان ؛ إلخ
لعبار خاصو يكون وافي على عبار اللوح الخشبي يعني من 20سم إلى 25 سم زايدة من كل جهة
*الڭرافوز
*الشنيور
*الكولة
*الخيط والصدايف
*مسطرة وشريط السنتيم و قلم

نحددو زوايا اللوح بشكل دائري.. نستعملو زلافة ونحددو بقلم الرصاص

باستعمال المننشار نزيل الجوانب ونحكوها بالكاغيط الحرش

دابا نلصقو البونج على اللوح بالستعمال الكولة 

ونكملو بطرف آخر لمقدناش

نبدو نسطرو خطوط أفقية مابين كل سطر 20سم

ونحددو مكان الصدايف باعتماد قياس واحد مابين كل صدفة للي هو 20سم

نستعملو المسطرة بحال الصورة باش نحددو الأقطار

هنا نستعملو الشنيور باش نتقبو مكان الصدايف وهنا خاص تكون بعملية سريعة ونضغطو للأسفل

باستعمال شي أداة مدورة بحال هادي نحفرو البونج مكان الصدايف باش شكل البومبي يكون عندنا واضح
نضغطوبقوة وبحركة دائرية

لاحظي الشكل

هنا نحطو طبقة ديال اللواط على البونج ممكن تحطي طبقتين إيلا بغيتي البومبي يكون أكثر

من بعد نبداو فتثبيت الثوب ديالنا والبداية خاص تكون من الوسط ونركبو صدفة بصدفة وحنا غاديين مع نفس السطر بشكل أفقي

مانجروش التوب باش نحافظو على شكل الكابيطوني

نتاقلو للسطر الثاني للي الصدايف فيه مقابلين لبعضهم وبنفس الطريقة حتى نكملو

وهنا نبداو فتشكيل الأقطار وهنا شكل الكابيطوني غادي يبدا يتشكل في حد ذاته

وهنا من بعد ما سالينا من هاد العملية..غادي تبقى لينا الفينيسيون

وباستعمال الڭرافوز نبداو نجرو لخلف اللوح ونبداو نتبتو التوب وحنا محافظين على تناسق الطيات

وهادا شكلو من الأمام

نجيو للخلف.. هنا تبتنا الخيط للي ركبنا بيه الصدايف بواسطة الڭرافوز

تبقى لينا الفينيسيون ديال الجناب نباليو بها و نضربوها بالڭرافوز.

بهاد الشكل

وهادا شكلها النهائي

خاصنا غير نتعلمو التقنية وممكن نصايبو بزاف ديال الأشكال والموديلات
ممكن ندربو فلوح صغير ومن بعد نطبقوها على اللوح ديالنا القضية بالنسبة ليا ساهلة
صراحة التوفير مزيان وماغاديش تقام عليا غالية والمتعة الحقيقية هي ملي كتصايبي شي حاجة راسك 

كانت هده 

 طريقة او كيفية صنع سرير او تجديده لمحبات الاعمال اليدوية
نقلت لكن الفكرة,,فيهي سهلة التنفيد لتجديد غرفة النوم او بالاحرى السرير,,هدا النوع من العمل باااااااهض الثمن,,ويعطي نتائج رائعة ورومانسية

Posted in: اعمال يدوية وابداعات