وصفة صحراوية لزيادة الوزن :
وصفة بالفواكه الجافة معروووووووفة ومنتشرة فالجنوب وموريتانيا وفاالمغرب كزلز تقريبا لزيادة الوزن
مقادير وصفة زيادة الوزن
- 2 كيلو تمر عادي ماشي داك المعجن نزولولو العضم أنفوروه
- رابعة الجنجلان
- نصف كيلو زريعة الكتان
- رابعة ايلان
- رابعة كاوكاو
- رابعة اللوز
- رابعة الكركاع
- نصف كيلو الصوجا
- 100 غ نافع
- 250غ الحلبة
- ليبغى يزيد فانيد أو سيرو ديال الشهية لمبغاش هدشي راه كافي انا تنفضل بيرفيتال احسن من ابيتين وبيرنابول وديكادرون وغيييييييييرهم من الادوية لي تتستعمل كفاتح شهية,,
- كيلو من شحمة الجمل اي الدروة ندوبوها ونضيفوها للمكونات
- كأس ونصف الزيت العود
طريقة تحضير الوصفة الصحراوية لزيادة الوزن :
نكليو الزرارع كامين في الفران أو فالمقلة منخليوهمش يتحمرو بزاف. زريعة الكتان من الأفضل منكليوهاش تبقى خضرا. من بعد نطحنوهم مزيان
مباشرة من فورو التمر نمعسوه بملعقة الخشب مزيان نضيف ليه الزرارع نخلطو المكونات نزيدو الزيت نخلطو باش الزيت تندامج مع المكونات
نديب الشحمة نفرغها وهي سخونة فوق الخليط. وهدا لتيقولوليه الصحراويات العجنة أو اللحسة
نعمل منها كورات وتؤكل في الصباح و المساء .
حاجة أخرى الصحراويات تيشربو معاها الحسى هو طحين ديال الشعير وخاصو يكون جاري بالحليب.
1 التعليقات:
سلام عليكم شكرا اختي على الوصفة الرائعة . هذا موقعي لتبادل الفائدة http://idafati.com/
إرسال تعليق